ҮЗЕМ БЕЛӘН ҮЗЕМ

* ҮЗЕМ БЕЛӘН ҮЗЕМ * 
Күңел шәме җем-җем итә 
Сүнәр-сүнмәс, 
Бу халәткә күңелкәем 
Күнәр-күнмәс. 

Гомер йомгагы калдыгын 
Сүтәр-сүтмәс, 
Үзе шунда иртәгәне 
Көтәр-көтмәс. 

Зур нияткә инде вакыт 
Җитәр- җитмәс, 
Ул нияткә ирешмичә 
Китәр-китмәс. 

Шөлләү баскан шәүлә булып 
Тияр-тимәс, 
Торыла бит газиз башны 
Ияр-имәс. 

Йөрелгән бит иң-иңнәрне 
Кылыр-кылмас, 
Җебек, җүет адәм заты 
Булыр-булмас. 

Хәерлесен өмет итә 
Әле күңел, 
Уем куша: "Әй бәндәкәй, 
Бөгел, бөгел!" 
Бөгелү дә, сиңа әйтәм, 
Җиңел түгел. 
#ЯзиләГалләмова.