Bizning Hikoyamiz

Bizning Hikoyamiz

 o'n sakkizinchi yanvar,
Dunyo kafesida to'xtadi nigohlar.
Sovchilar sabab bo'ldi o'sha uchrashuvga,
Sevgi kirib keldi ikki qalb uyiga.
Oddiy suhbat emas edi o'sha damlar,
Kelajak haqida qurardik orzular.
Ko'zlarimiz so'zlardi tillar jim bo'lsa ham,
Shu ondayoq his qildim — sen mening taqdirimsan.


Sen bilan boshlandi eng go'zal hikoyam,
Har kunimda sen — eng shirin dunyoyim.
Qo'limni qo'yma, umrbod yonimda qol,
Sevgimizga guvoh bo'lsin osmon-u hilol.
Sen kulsang, kuladi mening butun olamim,
Sen yig'lasang, yig'laydi yuragimning har dami.
Olloh yozgan muhabbat eng go'zal qismat ekan,
Seni uchratgan kunim hayotimning bahori ekan.


Ba'zan urushdik arzimas sabab bilan,
Lekin ajralmadik hech qachon sevgidan.
Opam yarashtirdi yana bir bor bizni,
Shundan keyin yanada mustahkam bo'ldi sevgimiz.
Oltinchi may — unashtiruv kunimiz,
Birga boshlanardi yangi orzularimiz.
ZAGSga ariza berdik qo'l ushlashib,
Har bir qadaming baxt edi menga yaqinlashib.
Menga mashina haydashni o'rgatgan ham sen,
Malika kabi libos tanlatgan ham sen.
O'n sakkizinchi may nikoh guvohnomasi qo'lda,
Baxtimiz surat bo'ldi Gagarin bog'ida.


Ikkinchi iyun — to'yimiz bo'lgan kun,
Ikki yurak bir bo'ldi butun umr uchun.
Jahling tez chiqsa ham, mehring undan ortiq,
Uzring bilan yana qalbim bo'ladi yorug'.
Yaqinlaring oldida ham erkalaysan meni,
Uy ishlarimda yolg'iz qoldirmaysan meni.
Shunday er bergani uchun shukr qilaman har kun,
Baxtim sensan, sevgim sensan, umrim sensan bugun.


Ishonaman, Olloh bizni eng baxtli juft qiladi,
Uyimizni kulgu va bolalar ovozi to'ldiradi.
Bir-birimizdan ham shirin farzandlar berar bir kun,
Shu baxtni sen bilan kutaman umr bo'yi, jonim.
Menga boylik kerak emas, dunyoning ziynati ham,
Faqat sog'-salomat yonimda bo'lsang bas har dam.
Oxirgi nafasimgacha bitta duom bor faqat:
Bu dunyoda ham, oxiratda ham sen bilan bo'lay.