Charchadim ona

Dilimga ko'p ozor berdilar.
Axir do'stlik ishonch derdilar.
Qaddim egib ko'ksin kerdilar.
Men ulardan charchadim ona.

Yerda yurib osmon ko'zlagan.
Ko'zga boqib yolg'on so'zlagan.
Yuragimdan dardni qo'zg'agan.
Dildorlardan charchadim ona.

Davralarda o'zicha olim.
Sinar bo'lsam bir so'rmas holim.
Taqdir emas odamlar zolim.
Odamlardan charchadim ona.

Kulib boqsa sevadi derdim.
Sof sevgimni qo'liga berdim.
Gulzorlarda tikonlar terdim
Tikonlardan charchadim ona

Yurak arzon bozorlarida.
Dil yig'laydi ozorlarida.
Qadr ko'pdir mozorlarida.
Bozoridan charchadim ona.

Dunyo kengu menga nega tor.
Ko'z yoshimga balki ular zor.
Yosh jonimga berdilar ozor.
Ozoridan charchadim ona.

Dilimga ko'p ozor berdilar.
Axir do'stlik ichonch derdilar.
Qaddim egib ko'ksin kerdilar.
Men ulardan charchadim ona