Эн үтүө үчүгэй майгың, буолар халлааңңа көтөр кынатың,

Эн үтүө үчүгэй майгың, буолар халлааңңа көтөр кынатың,
Ким көтөр эһи өрүү сайдың, умнуман дьол сыанатын. 
Албан аат, суон сурах түргэн сыыдам кынаттаах, 
Өргө диэри бичиктэммит сотуллубат, сүппэт ааттаах. 
Билигин киһи үтүөтэ күнүнэн ааһар, харахха көрбөккө сирэйэ саһар. 
Бэйэтин барыыһыгар албыны таһар, онтон хороонуттан сытыйбыт ууну баһар. 
Атас туһугар атах тостор, итини сыыспыттар до5оттор, 
Бииргэ көстөр үрдүк баай томтор, атаска таһыттан хатаммыт хостор. 

Толору астаах, төкүнүк остуолга ыңырыллыбатах буоллаххына, ыңырыы кэлиэ күүппэккэ турдаххына
Эн киннэргэ буола5ын аһылыкка, кыра хара киһини аны биһи көрбөппүт баһылыкка. 
Тиит мас туран эрэ өлөр ону мин билэбин, ол иһин таабырыңңа сууламмыт бичиктэрбин иитэбин, 
Балык төбөтүттэн сытыйар ону билбитим, ол иһин дьоңңо эрэммэт буолбутум. 
Эн өйдөөбөккүн миигин, то5о диэтэр эн биһи оло5у атын атыннык көрөбүт,
Тэңнээмэ атыттарга, харах бүөлүүлээх кулуттарга, атын буолар биһи көрүүбүт, 
Ким эрэ ону дьоңңо тиэрдээри номнуо сытар, сырайа кө5өрбүт, 
Аһа5ас кырдьык айахтаах ыңырыылаах буолар биһи өлүүбүт. 
Эн бу олох учурдарын оонньуутугар, ким мөлтө5үн билбэт буоллаххына мөлтөх буола5ын эн, 
Сөптөөх киһини булуохтара кини оннутугар, сиэмэх элбэх, олохпут дириң ойууругар,
Сал5ыы эн муна тэңэ сырыт дьикти дьыл5ан ойуутугар.