Туган авылым - Иске Балтачым,

Туган авылым - Иске Балтачым,
Кайтып җиттек, ,көткән идеңме?
Колач җәеп каршы алыр кешем,
Калмаса да, анда калмады.

Әткәм-әнкәм киткәч мәңгелеккә,
Өйләр бушап, җансыз калуы.
Өзгәләнгән күңел басылыр күк,
Урап килсәм туган ягымны.

Зыяратка кереп баш иямен,
Ничә буын анда теркәлгән.
Авылдашлар барсы, бер туфактан,
Яратылган Ходай кулыннан.

Көтә алар, көтеп яталардыр,
Тавыш тынсыз гына шатланып.
Нур иңәдер гүрләренә тагын,
Каберлекләр калса чистарып.

Өмә ясый авыл  халкы бүген,
Изге эшнең булыр савабы.
Риза бәхил булып ятсыннар да
Киңәйтелсен сират күпере.

Хәер фатихалар алыр өчен,
Зыяратта иек башыбыз.
Җиде катлы күктәгеләр өчен,
Дога булып барып ирешсен.

Әби - бабайларның оныклары,
Өмәләрдә аңлап катнаша.
Киткәннәрнең каберен белергә,
Кирәк дибез, кирәк тормышта.